مطیعالله ویسا، افغانستاندهگی بالهلر تعلیمی فعالی، فرانسهنینگ نورماندی منطقهسینینگ ییللیک «آزادلیک» مکافاتیگه سزاوار بۉلدی.
ویسا جمعه کونی (۱۵ جوزا) اۉزینینگ فیسبوک صحیفهسی آرقهلی اوشبو مکافاتنی فرانسهنینگ کان شهریده قبول قیلیب آلگنینی معلوم قیلدی.
اونینگ ایتیشیچه، مکافات مخصوص هیکلچه بیلن بیرگه پول مکافاتینی هم اۉز ایچیگه آلهدی. ویسا اوشبو مبلغ عوضیگه افغانستان ایچکریسیده بالهلر تعلیمی اوچون خصوصي مکتب تشکیل اېتیشنی رېجهلشتیرماقده.
«آزادلیک» مکافاتی ۲۰۱۹-ییلده «انسان حقلری خلق ارا انستیتوتی همده فرانسه صلح» همکارلیگی بیلن نورماندی بیلیم یورتیده تاسیس اېتیلگن.
جاري ییلده مطیعالله ویسا بیلن بیر قطارده اکوادوردن بۉلگن اېکالوگیک فعال عیال و چین آزادلک دیدبان دن هم اوشبو مکافاتنینگ فینال نامزادلری قطاریدن جای آلگن اېدی.
ویسا۷۵ مملکتدن قریب۱۹ مینگ نفر یاش نینگ آوازی اساسیده غالب دېب تاپیلدی.
۳۴ یاشلی مطیعالله ویسا افغانستان نینگ قندهار ولایتیده توغیلگن. او۱۷ یاشیده مملکت جَنوبی و شرقیدهگی بالهلر تعلیمینی قۉللب-قوّتلش مقصدیده «قلم یۉلی» کمپاینینی یۉلگه قۉیگن.
بوگونگی کونگچه اوشبو تشبثگه اوچ مینگگه یقین کۉنگیللی قۉشیلگن بۉلیب، اولر قیشلاقمه-قیشلاق یوریب، محلي اهالی بیلن بېواسطه صحبتلر آرقهلی آته-آنهلرنی فرزندلرینی مکتبگه یوباریشگه اوندهب کېلماقده.
ویسا انه شو فعالیتی سبب ۱۴۰۳-ییل۷ حمل کونی طالبان استخباراتی تامانیدن حبسگه آلینیب، قریب یېتّی آی دوامیده محکمهسیز قماقده سقلنگن اېدی.
او بالهلر تعلیمینی قۉللب-قوّتلش یۉلیدهگی سعی-حرکتلری اوچون ۱۴۰۴-ییل قوس آییده شیخ تمیم بن حمد آل ثانی نامیدهگی خلقارا مکافاتنی قطر حکومتی تامانیدن قبول قیلگن.
