ایران و اسراییل اۉرتهسیده ینه بیربار اوروش باشلهنیشی آرتیدن، امریکا قۉشمه ایالتلری جمهور باشلیغی دونالد ترامپ اۉزینینگ «تروت سوشیال» اجتماعی ترماغیده، تینچلیک اۉرنهتیلیشی بۉییچه حرکتلر دوام اېتهیاتگنیدن خبر بېردی.
ترامپ بو مسالهنی ایران و اسراییلدن بیر-بیراویگه قرشی هجوملرینی تۉختهتیشلرینی سۉرهگنیدن سۉنگ یازگن.
ترامپنینگ یازیشیچه: «تینچلیککه اېریشیش بۉییچه یکونی مذاکرهلر دوام اېتماقده، فقط نادانلیک یاکه احماقلیک بونگه تۉسقینلیک قیلمسه.»
شونینگدېک، دونالد ترامپ ایران و اسراییل آتیش-کېسین آرتیدن اېکنینی هم ادعا قیلدی.
عینی حالده، امریکا جمهور باشلیغی یکونلی بیر کېلیشووگه اېریشیشگه قدر ایراننینگ دېنگیز قمهلی دوام اېتیشینی هم تاکیدلهگن.
بو شوندهی بیرحالده دیر که اۉتگن کېچهدن بېری ایران و اسراییل اۉرتهسیده تۉقنهشوولر ینه بیربار باشلنیب، ایکّی تامان بیر-بیراویگه تېگیشلی حدودلرگه هجوملرنی اویوشتیردی.
