بلخ ولایتینینگ مرکزی مزارشریف شهریده کوچلی یانغین یوز بېرگنی حقیده خبر قیلیندی.
محلی منبعلرنینگ ایتیشیچه، اوشبو واقعه مزارشریف شهرینینگ «دشتشور» حدودیدهگی چوب و کومیر بازاریده یوز بېرگن.
اهالی واقعهدن کوچلی توتون چیققنی حقیده خبر بېرماقده.
حاضرگچه بو واقعه نتیجهسیده اۉرتهگه کېلگن زیانلر و قربانلیکلر حقیده معلومات بېریلگن اېمس.
بو شوندهی بیرحالده دیر که اۉتگن کون هرات ولایتی اسلامقلعه چېگرهسی باجخانهسیده هم یانغین یوز بېرگنی حقیده خبر بېریلگن اېدی.
دیمک هوا اېسیشی بیلن هر ییلی افغانستان تورلی حدودلریده، یانغین واقعهلری یوز بېرهدی و ایریم حالتلرده، طالباننینگ اۉت-اوچیریش خذمتی کېچیکیب یېتیب باریشی واقعه زیانلری آشیشیگه سبب بۉلگنی هم ایتیلگن.
