ایران بیلن امریکا اۉرتهسیدهگی آتیش کېسین برقرارلهنیشی و اوروش یکونی اوچون واسطهچیلیک قیلگن پاکستاننینگ ایتیشیچه، ایکّی تامان اۉرتهسیده کېلیشوو یکونلنگن.
پاکستان باش وزیری شهباز شریف اۉزینینگ ایکس ترماغیده یازیشیچه «پاکستاننینگ واسطهچیلیگی بیلن یۉلگه قۉییلگن سعی و حرکتلر دوامیده، صلح کېلیشوونی بوزهیاتگن طرفلرنی ناتۉغری معلومات ترقتهیاتگنلرینی بیلهمیز. شوندهی بیر وضعیتده هم کېلیشوو یازووی یکونلنگن و پاکستان کېلگوسی باسقیچلر یکونلهشیشی اوچون ایکّی تامانگه یقین علاقهده بۉلیب یاردملریگه دوام بېرهدی.»
اونینگ تاکیدلشیچه، حاضرگچه صلح کېلیشووی بو حدگچه یقینلشمهگن اېدی.
ایران عاموی اخبارات واسطهلری بوگون جمعه، ۲۲ – جوزا بو مملکت تامانیدن تیارلنگن ۱۴ مادهلیک کېلیشوو ریجهسیدن خبر بېرگن اېدی.
