بلخ ولایتینینگ کلدار اولسواللیگیده طالبان عسکرلرینینگ آغیر باجگرلیکلریگه نسبتن ناراضیلیک بیلدیرگن شخصلردن بیری حبسگه آلینگنی ایتیلهدی.
کلدار اولسواللیگیدن بیر منبعنینگ اۉزبېک تیوی گه ایتیشیچه، اوشبو واقعهدن ویدیو ترقهتگن شخص طالبان تامانیدن حبسگه آلینگن.
حاضرگچه بو شخص تقدیری حقیده تۉلیق معلومات موجود اېمس. شونینگدېک اۉزبېک تیوی هم بو مسالهنی تورلی منبعلر آرقهلی اۉرگنماقده.
ایتیش کېرهک که کلدار اولسوالللیگینینگ تورکمن اهالیسی، طالباننینگ پشتون خلقیگه منسوب عسکرلری اولردن ایکّی مراتبه پول آلیب، اېکینچیلیک محصولاتلرینی بازارگه آلیب کېلیب ساتیشلری برابریده جدّی معما یرهتگنیدن شکایت قیلگن اېدی.
اهالینینگ ایتیشیچه، طالباننینگ بو یوقاری خرجتلری اولرنینگ اقتصادی احوالیگه کتّه ظلم دیر.
