بیرلشگن ملتلر تشکیلاتینینگ انسانپرورلیک یاردملرینی هماهنگلشتیریش ادارهسی یا -ده «اوچا» بوگون ترقهتگن گزارشیده، افغانستانده آچلیک و تۉییب-آوقتلنمسلیک وضعیتی بۉییچه معلومات بېردی.
اوچا تامانیدن نشر اېتیلگن حساباتگه کۉره، افغانستانده تۉییب-آوقتلنمسلیک معماسی ۲۶ ولایتده اۉتگن ییلگه نسبتن جدّیلشگن و بو جملهدن بغلان، سرپل و فاریاب شامل ۱۲ ولایتده خواطرلی بیر وضعیتده دیر.
اوچا تامانیدن احوالی آغیر دېب آگاهلنتیریلگن ولایتلر ایچیده، طالبان رهبری بۉلیب تورگن قندهار ولایتی و شونینگدېک، هلمند، دایکندی، زابل، ارزگان، پکتیکا، نورستان، غور، و لوگر شامل دیر.
بیرلشگن ملتلر تشکیلاتینینگ بو ادارهسی، جاری ییلنینگ بیرینچی اوچ آییده تۉییب-آوقتلنمسلیک معماسی افغانستانده ۴۷ فایز بۉلگنینی اعلام قیلیب، بو اېسه اۉتگن خودّی شو زمانده ۴۰ فایز اېکنینی هم معلوم قیلگن.
شونینگدېک، اوچا اۉز گزارشیده، افغانستانده ۴۰ فایزگه یقین آلتی آیدن کیچیک بالهلر تۉییب-آوقتلنمسلیک طفیلی اۉرتهگه کېلگن کسللیکلر سبب شفاخانهلرده یاتقیزیلگنینی هم اعلام قیلدی.
اوچا حساباتیده، تۉییب-آوقتلنمسلیک کۉپینچه بالهلر آرهسیده جدّی اېکنینی بیلدیریب، افغانستانده آغیر تۉییب-آوقتلنمسلیک معماسینینگ ۸۳ فایز ایکّی یاشدن کیچیک بالهلرنی اۉز ایچیده آلگنینی بیلدیرگن.
بیرلشگن ملتلر تشکیلاتینینگ انسانپرورلیک یاردملرینی هماهنگلشتیریش ادارهسی بو وضعیتده شاشیلینچ بیلن اعتبار قرهتیلمهگن تقدیرده، جاری میلادی ییلنینگ دوامیده اوشبو معما ینه-ده آغیرلشیشی ممکنلیگیدن آگاهلنتیرگن.
