اۉزبېکستان پایتختی تاشکینت شهری میزبانلیگیده خلقارا سرمایه یاتقیزیش فورمی آچیلیب، دنیا تورلی مملکتلریدن وکیللری اشتراک اېتگن.
اوشبو فورم اۉزبېکستان جمهور باشلیغی شوکت میرضیایفنینگ نطقی بیلن آچیلیب، اونده تدبیرکارلر قۉشیمچه بیر قنچه مملکتلر یوقاری مرتبهلی رسمیلری جملهدن آلبانیا جمهور باشلیغی بایرام بگای هم اشتراک اېتگن.
اۉزبېکستان جمهورلیک ریاست مطبوعاتی خذمتی تامانیدن نشر اېتیلگن معلوماتگه کۉره، اوشبو فورمده ۱۰۰ دن آرتیق مملکتدن ۱۰ مینگدن آرتیق هیات و اشتراکچی حضور تاپکن.
ییغینده، اۉزبېکستان جمهور باشلیغی نطق سۉزلب، مملکتیده یوز بېرهیاتگن اقتصادی ترقیاتلر و بو خصوصده بۉلگن اۉزبېکستان حکومتینینگ رېجه و تدبیرلری حقیده معلومات بېردی.
شو بیلن بیرگه، اۉزبېکستان جمهور باشلیغی اۉز نطقیده، افغان-ترانس لایحهسی اوستیده هم تۉختهلیب، بو لایحه آسیا و اروپا مملکتلرینی بیر-بیراویگه قۉشیش قابلیتگه اېگه اېکنینی هم تیلگه آلگن.
اۉزبېکستان دولت رهبری، شونینگدېک اوشبو لایحه عملگه آشیریلیشی اوچون تېزلیک بیلن ایشلر ایلگری کېتهیاتگنینی هم بیلدیرگن.
ایتیش کېرهک که بو بېشینچی دور «تاشکینت خلقارا سرمایه یاتقیزیش فورمی» اۉتکزیلماقده.
