محلي منبعلرگه اساسلنیب نشر اېتیلگن خبرلرنی معلوم قیلیشیچه، ننگرهار ولایتینینگ سرخ رود اولسواللیگیده بیر عیال شفاکار نامعلوم قوراللی شخصلر تامانیدن اۉلدیریلگن.
ایتیلیشیچه، واقعه یکشنبه آقشامی (31-جوزا) سرخ رود اولسواللیگینینگ شیخ مصري منطقهسیده، داکترنینگ اۉز اوییده صادر بۉلگن.
خبرلرگه کۉره، اۉلدیریلگن داکترنینگ آتی گُلالي بۉلیب، او اصلیده پچیراگام اولسواللیگینینگ یشاوچیسی بۉلگن.
او سرخ روددهگی دولت شفاخانهلریدن بیریده ایشلهگن و آتهسی بیلن بیرگه شیخ مصري شهرچهسیده یشب کېلگن.
معلوم قیلینیشیچه، نامعلوم قوراللنگن شخصلر کېچهسی اولرنینگ اوییگه باستیریب کیرگن. اولر اوّل گُلالينینگ آتهسی نینگ قۉل-آیاقلرینی باغلب قۉیگن، سۉنگ اېسه گُلالينی قتّيق قییناقلرگه سالیب، اۉلدیرگن. ننگرهارده طالبلر هنوز بو حادثه بارهسیده هیچ نرسه دېمهگن.
ایتیش کېرهک که بوندن آلدین هم، بدخشان ولایتیده تاجیکستانلیک بیر عیال شفاکار ناتانیش شخصلر تامانیدن اۉلدیریلگن اېدی.
