طالبان معارف وزیرلیگینینگ اعلام قیلیشیچه، اندخویده «الهندی خانه» مکتبینینگ بناسی قوریلیب، فایدهلنیشگه تاپشیریلگن.
بوحقده نشر اېتیلگن بیاناتگه کۉره، اوشبو مکتب بناسی ۶ درس صنفی، بیر اداری اتاق، بیر لابراتوار اتاقی امکانیتلری بیلن سوو و قویاش برقی تامیناتی تیزیمیدن عبارت بۉلیب ۱۲۰۰۰متر مربع یېرده قوریلگن.
طالبان معارف وزیرلیگی بیاناتیده، اوشبو مکتب بناسی معارف ساحهسیده فعال موسسهلردن بیری تامانیدن قوریلگنی هم قوشیمچه قیلینگن.
شونینگدېک، اوشبو وزیرلیک بو مکتبده ۴۶۸ اۉقووچی، سبق اۉقیشینی هم بیلدیرگن.
بو شوندهی بیرحالده دیر که فاریابنینگ تورلی حدودلریده، مکتبلر بناسی یۉقلیگی شکایتلرگه سبب بۉلیب کېلماقده و ایریم حدودلرده مکتبلرنینگ بناسی، طالباننینگ سابق حکومت بیلن بۉلگن اوروشلریده ویران بۉلگن.
