بلخ ولایتی خوفسیزلیک قوماندلیگی نینگ ایتیشیچه، اوشبو ولایتده یوزبېرگن اېکّی علیحده ترافیک واقعهده بیر عیال و بیر اېرکک جان بېریب و باشقه ایکّی کیشی یرهلنگن.
بلخ ولایتیده طالبان امنیه قوماندانلیگی نینگ سۉزلاوچیسی محمد عیسی وثیق نینگ ایتیشیچه، بو واقعه اۉتکن کون بلخ – جوزجان و بلخ – حیرتان عمومی یۉلیده یوزبېرگن.
اونینگ تاکیدلشیچه، بلخ – جوزجان یۉلیده یوزبېرگن واقعهده ایکّی موتر بیر بیرلریگه تۉقنشگن، نتیجهده بیر عیال جان بېریب و باشقه ایکّی کیشی یرهلنگن.
ایکّینچی بلخ – حیرتان یۉلیده یوزبېرگن واقعهده موترسایکل یوک تشووچی تیلری موتر بیلن تۉقنشگن، نتیجه ده موترسایکل مینگن کیشی جان بېرگن.
اوشبو واقعه هیداوچیلرنینگ احتیاط سیزلیگی نتیجهسیده یوزبېرگن.
