بوگون تۉرتینچی سرطان اۉزبېکلرنینگ ییریک حربیلریدن بۉلمیش رسول پهلوان وفاتینینگ ۳۰ – ییللیگی دیر.
بو حربی سیما، قویاش ۱۳۹۷ – ییل فاریاب ولایتی شیرین تگاب اولسواللیگینینگ فیضآباد قیشلاغیده توغیلیب، شو یېرده حربی فعالیتلرگه باشلهگن.
حربی فعالیتلری افغانستانده سابق شوروی کوچلریگه قرشی باشلنگن بۉلسهده کیینچهلیک مارشال عبدالرشید دوستم و باشقه بیر قنچه اۉزبېکلر سیمالر بیلن افغانستان اۉزبېکلری نامیدن بیرینچی سیاسی جریان بۉلمیش جنبش حزبی قوریلیشی اوچون اساسی حصه قۉشدی.
رسول پهلوان، حربی فعالیتلرده خاص قابلیت و قطعیتی بیلن تانیلگن اۉزبېکلر حربیلردن دیر.
او شونینگدېک، طالبانگه قرشی کوچلی و قاطع حربیلردن بیری اېکنی یاد اېتیلهدی.
رسول پهلوان، بوندن ۳۰ ییل آلدین، سرطان آیینینگ تۉرتینچی سِرلی طرزده اۉلدیریلدی.
طالبانگه قرشی بۉلگن اوشبو ییریک حربی سیمانینگ وفاتی ییللیگی شوندهی بیرحالده یېتیب کېلماقده دیر که حاضر افغانستانده طالبان گروهی حاکمیتی دوام اېتماقده. شونینگدېک، رسول پهلوان اساسی حصهسی بیلن قوریلگن جنبش حزبی هم بو حربیلر تیریک زمانلریدیک حربی قوتینی سقلشگه قادر بۉلگن اېمس.
