اۉزبېک تیوی بیلن شریک اېتیلگن معلوماتگه کۉره، ۲۰ دن آرتیق مدنی جماعهچیلیک و انسان حقلری تشکیلاتلری آچیق بیر مکتوب یازیب، آلمان تشقری ایشلر وزیری یوهان وادهفولگه تاپشیرگنلر.
اوشبو مکتوب، شاعر و فعال عیاللردن فرنگس سوگند، « شلسویگ-هولشتاین ایالتیده افغانستانلیکلر بیردملیک تشکیلاتی»دن لاوا محمدی شونینگدېک «افغانستاننی اونوتمهنگلر» تشکیلاتی وکیللری بۉلمیش هلن راک و لینی هینتسه آرقهلی آلمان تشقی ایشلر وزیریگه تاپشیریلگن.
خانم فرنگیس سونگند، افغانستانده عیاللر احوالیدن اېسلب، شوندهی بیر شرایطدن آلمان آرقهلی طالبان وکیللری بو مملکتگه آلیب کېلینیشی بو گروهگه مشروعیت بېریشنی انگلتهدی دېیه تاکیدلگن.
شونینگدېک، آلمان تشقی ایشلر وزیریگه تاپشیریلگن مکتوبده، بو مملکتدن طالبان دیپلوماتلرینی قبول قیلمسلیگی، عیاللرگه قرشی طالبان باسیملرینی جنسی آپارتاید اولهراق تَن آلیشی، خوف آستیده بۉلگن افغانستانلیکلرنینگ قبول قیلیش جریانی تېزلشتیریلیشی، افغانستانلیک مهاجرلر چیقریلیشی اوچون طالبان بیلن کېلیشوو بۉلمسلیگی و افغانستان خصوصیده آلمان سیاستیده عیاللر احوالی اعتبارگه آلینیشی طلب قیلینگن.
بو شوندهی بیرحالده دیر که یقینده، آلمان تامانیدن طالبانگه یقین بۉلگن شخصلرگه بو مملکتدهگی افغانستاننینگ دیپلوماتیک نمایندهلیکلری تاپشیریلیشی تنقیدلرگه سبب بۉلگن اېدی.
