طالبلرنینگ پنجشیر ولایتی والیسی ادارهسی ایلک بار اوشبو ولایت کانلریدن قزیب آلینگن۱۳ نمونه گرینگارنت نمونهسی۲۵۰ امریکا دالریگه ساتیلگنینی معلوم قیلدی.
طالبلرنینگ پنجشیردهگی والیسی سۉزلاوچیسی سیفالدین لتوننینگ ایتیشیچه، قیمتبها تاشلر بوگون (سهشنبه،۹سرطان) کیماشدی سوداسی آرقهلی ساتیلگن.
اونینگ سۉزلریگه کۉره، شو سوداده پنجشیر کانلریدن قزیب آلینگن اوچ مینگ۲۹۷ قیراط زمرد هم۱۹۸مینگ۳۷۰ امریکا دالریگه ساتیلگن.
سۉزلاوچیسینینگ بیلدیریشیچه، قیمتبها تاشلرنی محلي سوداگرلر خرید قیلگن و توشگن مبلغ نینگ۱۰ فایزی طالبلر غزنهسیگه اۉتکزیلگن.
طالبلر افغانستانده حاکمیتنی قَیته اېگهلهگنیدن بویان پنجشیرنینگ زمرد کانلرینی منتظم قزیب آلیب، محصولاتلرینی ساتیب کېلماقده.
شونینگدېک، گروه پنجشیرده گرینگارنت، یاقوت و فېروزه کانلرینی قزیب آلیشنی هم باشلهگن.
طالبلر تامانیدن مملکت کانلری نینگ قزیب آلینیشی کېنگ تنقیدلرگه سبب بۉلگن. اَیریم سیاسي گروهلر طالباننی افغانستان طبيعي بایلیکلرینی “تالان-تاراج قیلیش”ده عیبلب کېلماقده.
