جهان جامی1/16 فینال باسقیچی سهشنبه کونی ینه بیر قطار قیزیقرلی اوچرشوولر بیلن دوام اېتدی. فرانسه، نارویگه و مکسیککه اۉز رقیبلرینی مغلوب اېتیب، مسابقهنینگ1/8 باسقیچیگه یۉل آلدی.
نارویگه دالاس شهریده کات-د لورنی 2:1 حسابیده مغلوب اېتیب، اۉز تاریخیده ایلک بار جهان جامی نینگ پلی-آف باسقیچیده غلبه قازاندی. بیرینچی بۉلیمده انتونیو نوسا ناوریگه
گول اۉردی. بیراق، 74-دقیقهده اېسه آماد دیالو اۉیننی تېنگ قیلدی. بیلشوو قۉشیمچه وقتگه یقین بۉلهیاتگن بیر پیتده، 85 دقیقهده ارلینگ هالند، یولیان ریرسون نینگ اوزتمه توپیدن سۉنگ ارلینگ هالند غلبه گولینی اوردی. اندی نارویلیکلر برازیلگه قرشی میدانگه توشهدی.
فرانسه اېسه جرمنینی 3:0 حسابیده ایشانچلی یوسینده مغلوب اېتدی. کیلیان امباپه 22 دقیقهده حسابنی آچگن بۉلسه، ایکّینچی بۉلیم باشیده بیرادلی بارکولا اوستونلیکنی مستحکملهدی. 78 دقیقهده امباپه عجایب یریم والی ضربهسی بیلن ایکّینچی گولنی اوریب، جماعهسی نینگ ییریک غلبهسینی تامینلهدی.
اوشبو اوچرشوویده امباپه ینه بیر تاریخی نتیجهگه اېریشدی. او جهان قهرمانلیگی پلی-آف باسقیچلریده اورگن گوللری سانینی 9ته گه یېتکزیب، برازیللیک افسانهلر لیونیداس همده رونالدو نازاریودن اۉتیب کېتدی. اونینگ جهان جاملریده جمعی گوللری سانی 18تهگه یېتدی و او لیونل مسی نینگ 19 گوللیک ریکاردیدن اتیگی بیر گول آرتده قالماده. فرانسه 1/8 فینالده پاراگوئه بیلن کوچ سینشدی.
بیلشووده میزبانلردن بیری بۉلگن مکسیک هم ایکوادورنی 2:0 حسابیده مغلوب اېتیب، کېینگی باسقیچگه یۉل آلدی. مامه قلدیراق و کوچلی یاغمیر سبب اوچرشوو بیر ساعت کېچ باشلندی. جولیان کینیونس و رائول خیمنس گوللری مکسکلیکلرگه غلبه کېلتیردی. مکسیککه اېندی 1/8 فینالده انگلستان همده کنگو دیموکراتیک جمهوریتی اۉرتهسیدهگی بیلشوو غالبیگه قرشی میدانگه توشهدی. ایلگری برازیل، پاراگوئه و مراکش هم کېینگی باسقیچ یۉلنمهسینی قۉلگه کیریتگن اېدی.
