سوریهنینگ ینگی حکومتی بو مملکت عالی مجلسی یا -ده پارلمانی اوچون ینگی اعضالرینی تعیینلش جریانی دوام اېتر اېکن، سوریه حاضرگی حکومتی جمهور باشلیغی تامانیدن ۱۵ عیالنی هم اۉز ایچیگه آلگن ۷۰ کیشی پارلمان اعضاسی اولهراق تعیینلنگن.
بیبیسی خبریگه کۉره، احمد شرع تعیین قیلگن ینگی پارلمان اعضالری آرهسیده بو مملکت سابق جمهور باشلیغی بشار اسد وقتیده قماقده بۉلگن ۱۳ کیشی هم بار.
سوریهنینگ انتقالی پارلمانی ۲۱۰ نمایندهدن عبارت بۉلیب اولرنینگ ایکّی حصهسی منطقوی سیلاو هیاتلری تامانیدن سَیلنگن و قالگنی اېسه جمهور باشلیغی تامانیدن تعیین اېتیلهدی.
احمدشرع تامانیدن تعیین اېتیلگن پارلمان اعضالری آرهسیده، سوریهلیک فیلم اکتریسهسی روزینا لازقانی هم بارلیگی اعلام قیلینگن.
سوریهنینگ سینما یولدوزلریدن لازقانی پارلمان اعضاسی اولهراق احمد شرع تامانیدن تعیینلنیشی کېنگ مناسبتلرگه سبب بۉلگن.
دېمک، ایلگری داعش و القاعده کبی ترورچی گروهلر اعضاسی بۉلگن احمد شرع، حاکمیتنی قۉلگه آلگنیدن سۉنگ اۉزیگه معتدل سیاست اختیار قیلدی.
