خلقارا یېتکیرمهلر ونزویلا رسمیلری معلوماتیگه اساسلنیب خبر بېریشیچه، بو مملکتده سونگّی اۉلیملی زلزله قربانلرینینگ سانی ۳ مینگ و ۳۴۲ کیشیگه یېتیشگن.
شونیندېک اوشبو واقعه نتیجهسیده ینه مینگلب کیشی یرهلنگن.
ونزویلاده بو اۉلیملی زلزله سرطان آیینینگ اوچینچی آقشمی یوز بېرگن اېدی. دېیرلی حاضرگچه هم قوتقریش ایشلری یکونلنمهگن و شو سبب قربانلر سانی آرتیشی ممکن.
ونزویلاده ۷.۲ و ۷.۵ درجه کوچگه اېگه بۉلگن ایکّی مراتبه کېتمه-کېت یوز بېرگن بو واقعه کتّه ویرانلیکلرنی هم اۉرتهگه آلیب کېلگن.
ونزویلا حکومتی، زلزله ویرانلیکلرینی قیته توزاتیش اوچون ۲۰۰ میلیون دالرلیک بیر جمغرمه آچیلیشینی هم خبر قیلگن.
بو واقعه آرتیدن ونزویلاده ۷ کونلیک ماتم اعلام قیلیندی.
