بدخشان ولایتیدن منبعلرنینگ اۉزبېک تیوی بیلن شریک قیلگن معلوماتیگه کۉره، بو ولایتده طالبلر ایچکی جنجللرنی باستیریش مقصدیده یوبارگن حربیلری آرتیلگن بیر موتر دریاگه قولب کېتیشی عاقبتیده بېش کیشی جان بېرگن.
شونینگدېک اوشبو واقعهده ینه ایکّی کیشی یرهلنگن.
اۉزبېک تیوی بیلن شریک اېتیلگن معلوماتده، طالبلر بو حربیلری میدان وردک، لوگر و پکتیا ولایتلریدن بۉلگنی معلوم قیلینگن.
واقعهده جان بېرگن طالبان حربیلریدن صفیالله، ذبیحالله، جمیل، عبدالباقی و مطیعالله دېب آت توتیلگن و عتیقالله همده محمدناصر ناملی طالبلر اعضالری بو واقعهده یرهلنگن.
اولر، بدخشان ولایتینینگ نسی اولسواللیگی یۉلیده دریاگه قولب جان بېرگن.
ایتیش کېرهک که طالبان بدخشان ولایتی نسی اولسواللیگیده طالبلر حربی کوچ جۉنهتیب، بو گروهنینگ ناراض قوماندانی جمعه خان فاتحگه قرشی حرکت قیلگن.
