تورکیهنینگ تورکچیلیک ییریک حزبلریدن بۉلمیش تورکیه ملی حرکت حزبینینگ رهبری و بو مملکت تانیقلی سیاسی سیمالریدن دولت باغچهلی، جنوبی تورکستان دعواسی بیلن تانیشدی.
بیر قنچه فعاللر، تورکیهنینگ بو ییریک سیاسی سیماسی بیلن بۉلگن اوچرهشووولریده، او بیلن جنوبی تورکستان، اونینگ خلقی احوالی و دعوالری حقیده معلوماتلرنی شریک قیلگنلر.
شو بیلن بیرگه، دولت باغچهلی جنابلری بیلن جنوبی تورکستان و خلقیگه عاید صورتلر و معلوماتلر هم شریک اېتیلگن.
فعاللردن خانم ظریفه بېک بوحقده اۉزینینگ فیسبوک صحیفهسیده یازیشیچه: « تورک دنیاسینینگ بیلگه رهبری دولت باغچهلی جنابلریگه جنوبی تورکستان تورکلری نینگ دردی و دعواسی نی یقین دن تعقیب اېتیب، اۉز قوللاو و همدردلیکلری نی کۉرسهتگنلری بیز اوچون چوقور اهمیتگه اېگه دیر. بو قَرداشلیک و حمایت، کورهشیمیز و اومیدلریمیزنی ینه-ده کوچلنتیرهدی.»
دېیرلی خانم ظریفه بېک، دولت باغچهلی جنوبی تورکستان خلقینی قۉللب-قۉتلشی و اولرنینگ دردی بیلن همدرلیک قیلگن دېب یازگن.
ایتیش کېرهک که جنوبی تورکستان، افغانستان تورکلرینینگ یورتی بۉلیب، بو یورت اخیرگی ییللرده شمالی افغانستان دېب اۉزگرتیریلگن.
افغانستانده تورلی خلقلرگه نسبتن عدالتسیزلیکلر کوچهییب بارر اېکن، جنوبی تورکستان دعواسی هم کوچلی اۉرتهگه چیقماقده دیر.
