امریکا قۉشمه ایالتلرینینگ جمهور باشلیغی دونالد ترامپ، ناتو خوفسیزلیک تشکیلاتی رهبرلرینینگ ییغینیده اشتراک اېتیش مقصدیده تورکیهدهگی تشریفی دایرهسیده، تورکیه جمهور باشلیغی رجب طیب اردوغان بیلن اوچرهشدی.
تورکیه و امریکا دولت رهبرلرینینگ اوشبو اوچرهشووی یخشی و ایجابی بهالنگن بۉلسه-ده و اوچرهشوودن سۉنگ، ترامپ، اردوغان بیلن یقین علاقهلری خصوصیده ایجابی مسالهلرنی تیلگه آلگنیدن تشقری، تورکیهگه نسبتن کاتسا تحریملری بېکار قیلینیشی مهم موضوعلردن بیری اېدی.
کاتسا تحریملری، تورکیهگه نسبتن امریکا تامانیدن جاری اېتیلگن بۉلیب، بو تحریم اساسیده، تورکیه جمهورلیک ریاستینینگ مدافعه صناعت بۉلیمی بیر قنچه چېکلاولر بیلن دوچ کېلگن.
اوشبو تحریم امریکا حکومتی تامانیدن، تورکیه حکومتی، روسیهدن اس-۴۰۰ هوا مدافعه تیزیملرینی ساتیب آلگنیدن سۉنگ قۉلگه آلیندی.
حاضر اېسه، بو تحریملر بېکار قیلینیشی خصوصیده امریکا قۉشمه ایالتلری قراری، تورکیه حربی صناعتی قۉللب-قۉتلنیشی اوچون بیر قنچه امیدلرنی اۉرتهگه آلیب کېلگن.
تورکیهنینگ دولت تلویزیون کانالی یا -ده «تیرتی» ترقهتگن تحلیلی گزارشیده، حربی مسالهلر بۉییچه ایش بیلرمانلر فکریگه اساسلنیب، بو تحریم بېکار قیلینیشی، تورکیه اوچون اینیقسه اوچ ساحهده ایجابی نتیجهلرنی اۉرتهگه آلیب کېلیشی معلوم قیلینگن.
تیرتینینگ یازیشیچه، تورکیهگه نسبتن کاتسا تحریملری بیکار قیلینیشی، تورکیه اف-۳۵ ناملی اوروش اوچاغینینگ بېشینچی نسلینی ساتیب آلیشی اوچون شرایط یرهتدی.
ایش بیلرمانلر فکریچه، بو تحریم بېکار قیلینیشی، تورکیه حربی صناعت و امکانیتلرنی ساتیب آلیشی، انتقال بېریشی و بو خصوصدهگی مالیوی چېکلاولردن اۉتهدی و بو اېسه بو مملکتنینگ اف-۳۵ دستوریگه قیتیشی اوچون شرایط یرهتدی.
دېمک تورکیه میلادی ۲۰۱۹ – ییل، اف-۳۵ دستوریدن چېتلنتیریلگن اېدی.
شونینگدېک، بو تحریملر بېکار قیلینیشی تورکیه و امریکانینگ همکارلیکلری اینیقسه حربی تکنالوژی و صناعت خصوصیدهگی همکارلیکلرنینگ کېنگهیتیریلیشیگه سبب بۉلیشی هم بیلدیریلگن.
بوندن تشقری، تورکیهنینگ تیرتی یېتکیرمهسی تحلیلیگه فکری آلینگن ایش بیلرمانلر بو قراردن سۉنگ، بو مملکتنینگ ناتو خوفسیزلیک تشکیلاتیدهگی استراتیژیک رولی هم کېنگهیشی معلوم قیلینگن.
ایتیش کېرهک که کاتسا تحریملری، امریکا حکومتی تامانیدن میلادی ۲۰۱۷ – ییل قبول قیلینگن قانون اساسیده بۉلیب، بو تحریملرنینگ اساسی مقصدیده، امریکا دشمنی دېب بیلینگن اینیقسه روسیه بیلن ییریک حربی همکارلیکلر آلدینی آلیش اوچون دیر.
تورکیه حربی ساحهسیدهگی بو تحریملر شوندهی بیرحالده بېکار قیلینماقده دیر که بو مملکت اخیرگی ییللرده، حربی اینیقسه حربی تکنالوژی ساحهسیده ییریک موفقیتلرگه اېریشگن و حاضر تورکیه حربی صناعت ساحهسیده دنیادهگی کوچلی مملکتلر بیری دیر.
