بیرلشگن ملتلر تشکیلاتینینگ ایکّی ییریک رسمیسی الکساندر دیکرو برهم صالح، افغانستانگه بۉلگن تشریفی یکونیده قوشمه بیانات ترقهتیب، مملکتدهگی آغیر اقتصادی وضعیتدن خواطر بیلدیردی.
بیرلشگن ملتلر تشکیلاتی قاچقینلر ایشلری بۉییچه عالی کمیسارلیگی تامانیدن بوگون نشر اېتیلگن بیاناتده، میلادی ۲۰۲۳ – ییلدن بویان ۶ میلیون مهاجر افغانستانگه قیتگنی و اولر اېسه مملکتده آغیر اقتصادی و اجتماعی باسیملرنی اۉرتهگه آلیب کېلگنینی بیلدیریلگن.
شونینگدېک، اوشبو بیاناتده یالغیز میلادی ۲۰۲۵ ییل ۲.۹ میلیون مهاجر قیتگنی و بو جاری ییل هم ۲.۵ میلیون کیشی قیتیب کېلیشی ممکنلیگی معلوم قیلینگن.
بیرلشگن ملتلر تشکیلاتی اوشبو وکیللری، افغانستانده قیتیب کېلگن مهاجرلردن ۹۲ فایزی حیاتلریدهگی دستلبکی نیازلرینی تامین قیلالمهیدی دېب بیلدیردی. اولرنینگ ایتیشیچه، کۉپلب حدودلرده قیتیب کېلگن مهاجرلردن یالغیز اوچ فایزی رسمی ایش بیلن بند دیر.
عینی حالده، بیرلشگن ملتلر تشکیلاتینینگ وکیللری، افغانستان اقتصادیاتی آغیر احوالده اېکن شوندهی بیر شرایطده یاردملر آزهیشی و اعتبارسیزلیک کۉپهیشی، ایشسیزلیکلر و بدرغهلیکلرنی کۉپهیتیریشیدن آگاهلنتیردی.
عینی حالده، بیرلشگن ملتلر تشکیلاتینینگ رسمیلری، طالبان رسمیلری بیلن بۉلگن صحبتلریده، یاردم یېتکزیش و تورلی ساحهلرده عیاللر اشتراکینی هم طلب قیلگنلرینی بیلدیردی.
