بیرلیک یۉلی سیاسی حرکتینینگ اعلام قیلیشیچه، بو حرکت تشبثی بیلن افغانستان یاشلری احوالیگه عاید بیر آنلاین ییغین اۉتکزیلگن
دېیرلی «افغانستان یاشلری؛ قشّاقلیک، ایشسیزلیک، امید و امیدسیزلیک آرهسیده» عنوانی آستیده اۉتکزیلگن بو ییغینده، افغانستان یاشلری دوچ بۉلیب تورگن آغیر اقتصادی وضعیت و ایشسیزلیکلر خصوصیده بحث اېتیلگن.
ییغینده، سابق حکومت یوقاری مرتبهلی رسمیلری و فعاللر اشتراک اېتگن.
شو بیلن بیرگه، بو ییغینده نطق سۉزلهگن شخصلر یاشلر دوچ بۉلگن ایشسیزلیک و احواللر افغانستان کېلهجگی اوچون اوزاق مدتلی سلبی تاثیرلرگه سبب بۉلیشیدن آگاهلنتیرگن.
بو شوندهی بیرحالده دیر که افغانستانده یاشلر دوچ بۉلگن اقتصادی وضعیت و ایشسیزلیکلر اولرنینگ ناقانونی یۉللردن مهاجرت قیلیشگه مجبورلنتیرگن.
اخیرگی کونلرده، ناقانونی یۉللر بیلن تورکیهگه باریشگه مجبور بۉلگن یاش-ییگیتلر اۉزبېک تیوی گه احواللری خصوصیده ویدیولر شریک قیلیب، اعتبارلی حکومتلری یۉقلیگی اوچون بوندهی تقدیر بیلن دوچ کېلگنلرینی بیلدیرگن.
