طالبلرنینگ مهاجرلر ایشلری بۉییچه وزیرلیگی افغانستانده قاچقینلر تۉغریسیدهگی قانون لایحهسی تیارلنگنینی و یقین کونلرده عدلیه وزیرلیگیگه یوباریلیشینی معلوم قیلدی.
وزیرلیک بوگون (چهارشنبه، ۲۴سرطان) ترقهتگن بیاناتده، لایحه یکوني کۉریب چیقیلیشی اوچون مهاجرلر ایشلری بۉییچه وزیری اۉرینباسری عبدالرحمن راشد همده طالبلرنینگ بیر قطار ادارهلری نمایندهلری اشتراکیده ییغیلیش اۉتکزیلگنی ایتیلگن.
بیاناتگه کۉره، قانون لایحهسی مهاجرلر و قیتیب کېلگنلر، تشقی ایشلر، ایچکی ایشلر، عدلیه وزیرلیکلری، استخبارات ادارهسی و طالبان عالي محکمهسی همکارلیگیده ایشلب چیقیلگن.
عبدالرحمن راشدنینگ ایتیشیچه، قاچقینلر تۉغریسیدهگی قانونده «شریعت و اسلامي حقوقلر، باشپناه سۉرهش حقوقی همده قاچقینلرنی حمایه قیلیش» مسألهلری انابتگه آلینگن.
عینی پیتده افغانستان دنیادهگی اېنگ ییریک مهاجرلر منبعلریدن بیری بۉلیب، حاضرده کمیده ۵.۸میلیون افغانستانلیک دنیانینگ تورلی مملکتلریده مهاجر صفتیده یشهماقده.
