طالباننینگ ساغلیقنی سقلش وزیرلیگی بوگون شنبه اوچینچی اسد، بیر بیانات ترقهتیب بو وزیرلیکنینگ دارو و آزیق-آوقت اۉرینباسری حمدالله زاهد، اۉزبېکستان سفری دوامیده، بو مملکت رسمیلری بیلن اوچرهشگنیدن خبر بېردی.
بوحقده نشر اېتیلگن بیاناتده، طالباننینگ بو وکیلی اۉزبېکستان ساغلیقنی سقلش وزیرلیگی اۉرینباسری الهامجان عمرزاقوف و دارو و طبی جهازلر صناعتینینگ راوجلنیریش ادارهسی باشلیغی عبدالله عزیزوف بیلن علیحده اوچرهشوولر اۉتکزگنیدن خبر بېردی.
ایتیلیشیچه، بو اوچرهشوولرده طالبان وکیلی، اۉزبېکستاندن افغانستان ساغلیق ساحهسی اینیقسه دارو و سرطان کبی کسللیکلرنی دوالش اوچون همکارلیکلرینی آشیریشینی سۉرهگن.
شونینگدېک، طالبان ساغلیقنی سقلش وزیرلیگی، اۉزبېکستان رسمیلری بو ساحهده افغانستان بیلن یاردم بېریشگه وعده بېرگنینی هم یازگن.
ایتیش کېرهک که طالبان، اخیرگی وقتلرده، اۉزبېکستان بیلن ساغلیق ساحهسیده همکارلیکلرنی آشیریشگه حرکت قیلیب کېلماقده دیر. بو حرکتلر شوندهی بیرحالده دیر که طالبان، پاکستاندن دارو آلیب کېلینیشینی منع قیلیب قۉیگن.
منو
