ایران سپاه پاسدارانی بریتانیا امریکانینگ ایرانگه قرشی حربي عملیاتلرینی قۉللب-قوّتلهسه، قانوني و مقرر نشانگه ایلنیشی حقیده آگاهلنتیردی.
ایرنا اخبارات آژانسی بوگون (یکشنبه، ۴اسد) خبر بېریشیچه سپاه پاسداران سۉزلاوچیسی حسین محبی اسرایل، بویوک بریتانيا و فارس کۉرفزی مملکتلریگه آگاهلنتیریش بیلن چیققن.
محبی شوندهی دېگن: «یقینده امریکانینگ بی۱بامباردمانچی اوچاقلری بریتانيا قۉنالغهلریدن فایدهلندی. اگر اولر همکارلیک قیلسه، بیز اوچون قانوني و مقرر نشان بۉلهدی. هر بیر وضعیت اوچون علیحده سناریویمیز بار.»
او اسرایلنی امریکا جمهور رییسی دونالد ترامپنی ناتۉغری معلوماتلر بیلن چلغیتیب، قۉشمه شتاتلرنی منطقهدهگی اوروشده سقلب قالیشگه اورینهیاتگنلیکده عیبلهدی.
محبی: «اسرایل امریکا جمهور رییسینی قۉزغهتیب و یالغان معلوماتلر بېریب، امریکانی منطقهده اوشلب توریشنی همده اۉز مقصدلرینی امریکا امکانیتی آرقهلی عملگه آشیریشنی ایستهماقده»، دېدی.
اونینگ قۉشیمچه قیلیشیچه، «ایسرایللیکلر اوروش قَیته باشلنسه و بیز اعتباریمیزنی اولرگه قرهتسک، اولرنینگ باشیگه نیمهلر کېلیشینی یخشی بیلهدی.»
سپاه پاسداران سۉزلاوچیسی فارس کۉرفزیدهگی عرب دولتلرینی هم امریکانی قۉللب-قوّتیرمسلیک حقیده آگاهلنتیریب، عکس حالده اولر هم قانوني نشانگه ایلنیشینی ایتدی.
بو بیانات ایران و امریکا اۉرتهسیدهگی۱۳ کونلیک تۉقنهشوولردن سۉنگ ینگی هجوملر تۉختهگن بیر پیتده ینگرهدی. شنبه تانگیدن بویان ایکّی تامان اۉرتهسیده ینگی هجوملر قید اېتیلمهگن.
