ایران عالي ملي خوفسیزلیک کېنگشی کاتبی محمدباقر ذوالقدرنینگ ایتیشیچه، امریکانینگ دېنگیز قملی و حربي هجوملری دوام اېتسه، هرمز بۉغازی ینه-ده قطعي یاپیلیشی ممکن.
ایرنا اخبارات آژانسی بوگون (شنبه، ۱۰-اسد) خبر بېریشیچه، ایرانلیک یوقاری مرتبهلی عملدار امریکا کېنگ کۉلملی هجوملرنی ینه باشلهسه، باشقه استراتژیک بۉغاز و یۉلکلر هم خوف آستیده قالیشیدن آگاهلنتیرگن.
او شوندهی دېگن: « امریکا رژیمی نینگ دېنگیز قملی و اوروش آلاوینی اوج آلدیریشی نهفقط هرمز بۉغازینینگ قفلینی ینه-ده مستحکملهیدی، بلکه باشقه بۉغازلر و استراتژیک یۉلکلرنی هم یاپهدی.»
محمدباقر ذوالقدرنینگ تأکیدلشیچه، بو نینگ عاقبتلرینی جهان اقتصادی، انرژی بازاری و امریکا سیلاوچیلری تۉلهیدی.
تیناوون فارس کۉرفزی سوو یۉللرینی باشقریش ادارهسی «امریکا نینگ تجاوزکار حرکتلری» سببلی هرمز بۉغازی آرقهلی کېمهلر حرکتی ممکن اېمسلیگینی معلوم قیلگن اېدی.
