تورکیه تشقی ایشلر وزیری خاقان فیدان، سوریه تشقی ایشلر وزیری حسن اسعد الشیبانی بیلن اوچرهشوو اۉتکزیب، ایکّی تامانلمه مناسبتلر حقیده صحبتلشگن.
اوشبو اوچرهشوودن سۉنگ اۉتکزیلگن خبری ییغینیده، فیدان و الشیبانی، اۉز-ارا همکارلیکلری کوچهیشی اینیقسه ترورچیلیککه قرشی کورهش مسالهسی خصوصیده همکارلیکلر حقیده تاکید قیلگنلر.
تورکیه تشقی ایشلر وزیری، سوریهنینگ هر بیر نقطهسیده سیزیلگن ناقولهی شرایط تورکیه اوچون هم تهدید دېب بیلدیرگن.
او شونینگدېک، سوریه بیلن همکارلیکلر دوامینی هم تاکید قیلگن.
ایتیش کېرهک که تورکیه، سوریهنینگ ینگی حکومتی یوزهگه کېلیشی اوچون اساسی حصهسی بۉلگن مملکتلردن بیری دیر.
دېیرلی اخیرگی ییللر دوامیده، تورکیه حکومتی، احمدالشرع باشچیلیگیده بۉلگن سوریه رواجلنیشی و برقرارلیگی اوچون سعیوحرکت قیلیب کېلماقده.
