تورکیهنینگ استانبول شهرینینگ تورکستان اېللری اۉقوو، کلتور و یاردملشمه اویوشمهسی تشبثی بیلن اۉتکزیلگن بیر احتفال آرقهلی، اۉزبېکستانلیک شاعر، یازووچی و ژورنالیست شهریار شوکتنینگ قلمیگه منسوب «هراتگه بابام حضوریگه» ناملی کتابنینگ تقدیمات مراسمی اۉتکزیلدی.
اۉزبېک تیوی بیلن شریک اېتیلگن معلوماتده، اوشبو احتفال شهریار شوکتنینگ بو ینگی اثرینی تورکیهده تانیشتیریش مقصدیده اۉتکزیلگنی قید اېتیلگن.
احتفالده، ۲۰ گه یقین اویوشمهلر و مدنی نهادلر اعضالری و وکیللری همده تورکیهنینگ تورلی تشکیلاتلری و حزبلریدن وکیللر هم اشتراک اېتگن.
شو بیلن بیرگه، احتفالده، تورکستان اېللری اۉقوو، کلتور و یاردملشمه اویوشمهسی باشلیغی هاشم همدم قۉشیمچه، تېمور خواجهاۉغلو، ضیا قیصاری، جاوید تورکاۉغلو و شونگه اۉخشش باشقه بیر قنچه فعاللر و بیلیمدانلر نطق سۉزلب، کتاب حقیده بحثلرنی تیلگه آلگنلر.
دېمک اوشبو کتاب، یازووچینینگ افغانستانگه بۉلگن سفری خاطرهلریگه اساسلنیب یازیلگن.
کتاب مولفی اۉزبېکستانلیک ژورنالیست، شاعر و یازووچی شهریار شوکت، بیر نېچه وقت آلدین، اۉزبېک تیوی همکارلیگیده افغانستانگه سفر قیلیب، بو مملکتده اۉزبېکلرگه تېگیشلی تاریخی مکانلر و مدنیت حقیده لوحهلر تیارلب کېتگن اېدی.
