طالباننینگ عالی اۉقوو وزیرلیگی بیر بیانات ترقهتیب اعلام قیلیشیچه، بو وزیرلیک تامانیدن اۉتکزیلگن تېکشیروودن سۉنگ، افغانستان ایریم ولایتلریدهگی ۷ خصوصی ییلیم یورتی فعالیتی بیر ییل مدتیگه تۉختهتیلگن و ایکّی خصوصی بیلیم یورتی فعالیتی خصوصیدهگی رخصتنامهسی بېکار قیلینگن.
طالبان اوشبو وزیرلیگی تامانیدن بیر ییلگه قدر تۉختهتیلگن یوکسک اۉقوو مرکزلرینینگ ایچیده اۉزبېکلرگه تېگیشلی بلخ ولایتیدهگی تورکستان خصوصی بیلیم یورتی، جوزجان ولایتیدهگی برلاس خصوصی بیلیم یورتی و فاریاب ولایتیدهگی رشاد خصوصی بیلیم یورتی شامل دیر.
شونینگدېک، طالبان عالی اۉقوو وزیرلیگی بلخ ولایتیدهگی خصوصی بیلیم یورتلردن ینه بیری راه سعادت بیلیم یورتی بدخشاندهگی ازهر و برنا بیلیم یورتی و کابلدهگی پیام بیلیم یورتی فعالیتلرینی بیر ییلگه قدر تۉختهتگن.
شو بیلن بیرگه، طالبان عالی اۉقوو وزیرلیگی قندوزنینگ کهندژ خصوصی بیلیم یورتی و تخارنینگ پیام دانش خصوصی بیلیم یورتی فعالیتی تۉلیق تۉختهتیلیب، اولرنینگ ایش رخصتنامهسی بېکار قیلینگنینی معلوم قیلگن.
طالبان عالی اۉقوو وزیرلیگی، بو خصوصی بیلیم یورتیلری فعالیتلری خیالی طلبهلر بارلیگی، فساد، رهبرلیک هیاتی یۉقلیگی، سمستر دوامیده درسده بۉلمهگن طلبهلر موجودلیگی، لابراتوارلری یۉقلیگی و وزیرلیک نصابی اساسیده درس اۉتیلمسلیگی سببی بیلن فعالیتلری تۉختهتیلگنینی معلوم قیلگن.
بو شوندهی بیرحالده دیر که طالبان افغانستانحاکمیتنی ایگلهلگنیدن بیری اۉقیشگه بۉلگن قیزیقیشلر آزهیشی و قیزلر اۉقیشی تقیقلنیشی سبب، بیلیم یورتلر طلبهلری سېزیلرلی درجهده آزهیگن و بیر قنچه بیلیم یورتلر فعالیتلری تۉختهتیلگن.
