بیرلیک یۉلی سیاسی حرکتی بیر بیانات ترقهتیب، طالبان صفیده بۉلگن اۉزبېک، تورکمن و ایماق شخصلردن، بو گروه اوچون بوندن آرتیق اوروش قیلمسلیکلرینی سۉرهدی.
اوشبو بیاناتده تاکیدلنیشیچه، طالبان اوچون اۉزبېک، تورکمن و ایماقلرنینگ اوروش قیلیشی فقط ملا هبتاللهنینگ قدرتی مستحکملنیشیگه یاردم بېرهدی و اولرنینگ اۉزیگه بدناملیک و اجتماعی انزوا آلیب کېلهدی.
بیاناتده شونینگدېک، طالبان بو عسکرلریدن تېزلیک بیلن قوراللرینی قۉییب عادی حیاتگه قیتیشلری طلب قیلینگن.
بو شوندهی بیرحالده دیر که اوزاق ییللردن بیری طالبان صفیده اۉزبېک و تورکمن شخصلر اوروشیب و بو یۉلده قان توکیب کېلگنلر. بیراق طالبان حکومت تقسیماتیده اولرنینگ قربانلیکلرینی نظرده توتمهی قومی حکومت قوریشگه اولگوردی.
شو بیلن بیرگه، طالبان حاکمیتیده افغانستانده اۉزبېک و تورکمن خلقلرینینگ تیللری و مدنیتی بیلن آچیقچه دشمنلیک هم کۉرسهتیلگن.
