خلقارا قیزیل خاچ کمیتهسینینگ اعلام قیلیشیچه، بو تشکیلات جاری میلادی ییلنینگ بیرینچی آلتی آییده، افغانستان یوزلب مینگ اهالیسیگه یاردم کۉرسهتگن.
تشکیلات ایکس صحیفهسیده ترقهتگن معلوماتیده بو مدت ایچیده، ۶۱۵ مینگ و ۷۶۶ اهالیگه ساغلیق خذمتلری و ۱۰۵ مینگ و ۹۳۲ ناگران شخصلرگه کوچلنتیرووچی یاردملر ترقهتیلگنینی معلوم قیلگن.
شونینگدېک تشکیلات ۸۳ مینگدن آرتیق کیشینی تازه ایچیملیک سوو بیلن تامینلگنینی هم معلوم قیلگن.
بو شوندهی بیرحالده دیر که سۉنگگی ییللرده افغانستان اهالیسی انسانپرورلیک یاردملرگه کۉپراق محتاج بۉلیب قالگن.
اوشبو یاردملر اساسی ضرورت کۉپینچه ساغلیق ساحهسیده سېزیلر اېکن، خلقارا یاردملر آزهیشی بیلن یوزلب ساغلیق مرکزلری نینگ فعالیتی تۉختهتیلگنی حقیده خبرلر بېریلماقده.
