پاکستاننینگ ایچکی ایشلر وزیری محسن نقویگه اساسلنیب نشر اېتیلگن خبرلرگه کۉره، بو مملکت بیلن افغانستان اۉرتهسیدهگی تزانزیت یۉلی آچیلیشی ممکن دیر.
پاکستان ایچکی ایشلر وزیری، بو مملکت بیر قنچه تدبیرکارلری و سوداگرلری بیلن اۉتکزگن مجلسیده، بو خصوصده گپیرگن.
نقوی، بو یۉل قچان و قندهی آچیلیشی خصوصیده آرتیقچه تفصیلات بېرمهگن.
بو شوندهی بیرحالده دیر که بیر نیچه آی دیر که طالبان و پاکستان اۉرتهسیدهگی جنجللر باعث بو یۉللر یاپیق قالیب کېلماقده.
طالبان حاضرگچه، بو یۉللر آچیلیشی حقیده بیران نرسه دېگن اېمس.
ایتیش کېرهک که پاکستان یۉللری یاپیق قالیشی افغانستان اقتصادیگه جدّی زیانلر اۉرتهگه کېلتیرگن.
