قازین فورم نینگ خبریگه کۉره، فوتبال افسانهسی کریستیانو رونالدو اوزاق ییللیک سېوگیلیسی، مدل و انفلونسر جورجینا رودریگس بیلن رسما تورموش قوردی. تۉی مراسمی پرتگالده بۉلیب اۉتدی.
پرتگاللیک هجومچی بو خبرنی انستاگرامده اولهشیب، نکاح اوزوکلری تاقیلگن ایکّی قۉل عکس اېتگن صورتنی یېرلشتیردی.
پرتگال عامهوی اخبارات واسطهلری نینگ خبر بېریشیچه، جفتلیک 11-اگوست کونی لیسابون یقیندهگی گۉزهل قیرغاق بۉیی شهری کاشکایسده نکاحدن اۉتگن. تۉی مراسیمده اولرنینگ بېش فرزندی هم قتنشگن اېدی.
رونالدونینگ انستاگرام پوستی الهقچان 17 میلیونگه یقین لایک تۉپلهگن.
رونالدو و جورجینا نینگ سېوگی حکایهسی 10 ییل ایلگری، اولر مادرید شهریدهگی گوچی دکانیده اوچرشگنیده باشلنگن. اۉشه پیتده جورجینا اوشبو دکانده ایشلهگن و رونالدو اېسه ریال مادریدده اۉینردی.
جفتلیک بوندن بیر ییل ایلگری ،11-اگوست کونی، اونشتیریلگنینی اعلان قیلگن اېدی. اۉشنده جورجینا یرقیرب تورگن اونشتیرو اوزوگی عکس اېتگن صورتنی اجتماعی ترماقلرده پایلشگن.
