بیرلشگن ملتلر تشکیلاتینینگ عیاللر بۉلیمی، طالبان حاکمیتینینگ بېشینچی ییللیگی عرفهسیده بیر حسابات نشر قیلیب، افغانستان عیاللری دوچ بۉلیب تورگن وضعیت حقیده معلومات بېردی.
اوشبو حساباتده، عیاللرگه نسبتن طالبان چیکلاولری اینیقسه خاتین-قیزلرنینگ ایشلشی، اۉقیشی و حرکتلنیشی برابریدهگی تقیقلری همان دوام اېتهیاتگنی بیلدیریلگن.
حساباتده شونینگدېک، افغانستان عیاللریدن یریمیدن آرتیغی هر آیده فقط ایکّی مراتبه اویدن چیققنی بیلدیریلگن.
شونینگدېک، اوشبو حساباتده افغانستان خاتین-قیزلریدن تۉرتدن اوچ تهسی اویدن چیققنده هم اۉزلرینی خوفسیز حس قیلمهگنینی بیلدیرگن.
عینی حالده، بیرلشگن ملتلر تشکیلاتی افغانستانده عیاللر اینگ آغیر اقتصادی وضعیت بیلن دوچ کېلهیاتگنی بیلدیریلیب، اولردن فقط ۷ فایزی ایش بیلن تامینلنگن بۉلگنی معلوم قیلینگن.
