بوندن بېش ییل آلدین، میلادی ۲۰۲۱ – ییل اگوست آیینینگ ۱۵ -سی، طالبان افغانستان سابق جمهور باشلیغی اشرف غنی، افغانستاندن چیقیب قاچیب کېتیشی آرتیدن، پایتخت کابلنی اېگهللب آلدی.
طالبان شوندن سونگ، بوتون افغانستانده حاکمیتلرینی اۉرنهتیب، اهالیگه نسبتن آغیر باسیملر اۉتکزماقده.
اۉتگن بېش ییل دوامیده، طالبان قیزلرنی تعلیمدن محروم اېتیش، عیاللر ایشلشیگه چېکلاولر جاری اېتیش و شونگه اوخشش باشقه کۉپلب باسیملری بیلن افغانستانده قرانغو بیر وضعیتنی اۉرنهتگن.
طالبان بوندن تشقری، افغانستانده بوتونلهی قومی بیر حکومت هم شکللنتیریب، باشقه خلقلر اینیقسه اۉزبېکلرنی باستیریش اوچون سیاستلرنی قۉلگه آلگن.
طالبان حاکمیتی دوریده، اهالی اقتصادیاتی هم آغیرلشیب، مملکت جمعیتینینگ کمیده یریمی انسانپرورلیک یاردملرگه محتاج بۉلیب قالگن.
شو بیلن بیرگه، طالبان خلقارا طلبلر و تعهدلرگه هم بویسونمهی افغانستان اوچون ییریک بیر سیاسی انزواسی هم اۉرتهگه کېلتیرگن.
بوندن تشقری، طالبان حاکمیتی دوریده افغانستانده جبههای اوروشلر انچه آزهیگن اېدی بیراق بو گروهگه نسبتن قرشیلیکلری آرتیشی بیلن اخیرگی وقتلرده، شوندهی اوروشلر هم کۉپراق سیزیلماقده.
