طالبلرنینگ کنر ولایتیدهگی کانلر و پترولیم ریاستینینگ معلوم قیلیشیچه، قیمتی۲۱.۱میلیون افغاني بۉلگن قیمتبها و یریم قیمتبها تاشلر کیم آشتی آرقهلی ساتیلگن.
طالبلرنینگ کنر ولایتیدهگی کانلر و نفت ریاستی باشلیغی محمد شیرین حقّانينینگ ایتیشیچه، اوشبو تاشلر، جملهدن، بیروج، کونزایت، بلور و مارگنیت، تیناوون (چهارشنبه، ۴-سنبله) اسداباددهگی قیمتبها و یریم قیمتبها تاشلر بازاریده ساتیلگن.
حقّاني نینگ سۉزلریگه کۉره، بو مقداردهگی تاشلرنینگ ساتیلیشیدن۲ میلیون۱۰ مینگ افغاني درآمد طالبان حکومتینینگ خزینهسیگه توشگن.
او ساتیلگن تاشلرنینگ آغیرلیگی حقیده معلومات بېرمهگن.
طالبلر اۉتگن آی هم کنرده قیمتی۱۱۴ میلیون افغاني بۉلگن قیمتبها و یریم قیمتبها تاشلرنی ساتگن اېدی.
طالبلر حکومتی اۉز درآمدلرینی تأمینلش مقصدیده افغانستان نینگ کانلری و طبيعي بایلیکلرینی قزیب آلیشگه اعتبار قرهتماقده. طالبلرنینگ تنقیدچیلری اېسه بو ایشنی افغانستان بایلیکلرینی تالان-تاراج قیلیش دېب اتهماقده.
