طالبلرنینگ ننگرهار ولایتی پولیس قوماندانلیگی کامه اولسواللیگیده بیر یاش ییگیت اۉز جانیگه قصد قیلگنینی معلوم قیلدی.
طالبلرنینگ ننگرهار ولایتی پولیس قوماندانلیگی مطبوعات سۉزلاوچیسی سید طیب حماد بوگون (جمعه،۶سنبله) اوشبو ییگیت کامه اولسواللیگینینگ «پیروز» منطقهسیده اۉز جانیگه قصد قیلگنینی ایتدی.
اونینگ ایتیشیچه، ییگیتنینگ اۉز جانیگه قصد قیلیشیگه افسردهگی و عایلهوي معمالر سبب بۉلگن.
طالبلر پولیس قوماندانلیگی مطبوعاتینینگ سۉزلریگه کۉره، ییگیت خارجگه کۉچیب کېتیش اوچون عایلهسیدن پول سۉرهگن، بیراق عایلهسی اونگه بو پولنی بېرمهگن.
سید طیب حمادنینگ ایتیشیچه، شوندن سۉنگ ییگیت عایلهسیگه نسبتاً زۉرآورلیک قیلگن، افسردهلیککه توشگن و آخر-عاقبت اۉز جانیگه قصد قیلگن.
طالبلر افغانستانده قَیته حاکمیتگه کېلگنیدن سۉنگ یاش عیاللر و اېرککلر آرهسیده اۉز جانیگه قصد قیلیش حالتلری سېزیلرلی درجهده آشگن.
بوندهی حالتلرنینگ کۉپیگه کېلهجککه نسبتاً امیدسیزلیک، قشّاقلیک، ایشسیزلیک، اقتصادي معمالر و روحي کسللیکلر سبب بۉلهیاتگنی ایتیلماقده.
