بوگون سنبله آیینینگ تۉقّیزینچیسی، امریکا قوشمه ایالتلرینینگ حربیلری افغانستاندن چیققن کونی بیلن تینگ دیر.
بوندن بېش ییل آلدین، امریکانینگ اینگ سونگّی حربیسی افغانستاندن چیقیب، امریکانینگ افغانستاندهگی ۲۰ ییللیک حربی حضوری یکونلنگن اېدی.
امریکا اوشبو ییللر دوامیده، افغانستانده ترورچیلیککه قرشی کورهشیش مقصدیده بو مملکتده حربی حضور تاپگن اېدی بیراق چیقیشی بیلن کېلیشوو اساسیده، افغانستاننی ییریک ترورچی گروه بۉلمیش طالبان قۉلیگه تاپشیریب کېتدی.
امریکانینگ افغانستاندهگی حربی حضوری شوندهی یکونلنیشی کېنگ تنقیدلرگه هم سبب بۉلگن اینیقسه امریکانینگ ایچکریسیده هم بو خصوصده تنقیدلر تیلگه آلینگن.
امریکا جمهور باشلیغی دونالد ترمپ، بیر نیچه مراتبه بو چیقیشنی امریکا تاریخیدهگی شرملی بیر قرار اېکنینی بیلدیرگن.
