قیرغیزستاننینگ پایتختی بیشکک شهری بوگون شانگهای همکارلیکلر تشکیلاتی رهبرلرینینگ اساسی ییغینیدن مېزبانلیک قیلهدی.
اوشبو ییغین شانگهای همکارلیکلر تشکیلاتی قوریلیشی ۲۵ – ییللیگی بیلن، بو تشکیلاتنینگ نوبتی باشلیغی قیرغیزستان جمهور باشلیغی صدر جباروف باشچیلیگیده اۉتکزیلهدی.
ییغینده، تشکیلاتگه اعضا مملکتلر جملهدن، روسیه، چین، هندوستان، ایران، پاکستان، اۉزبېکستان، قزاقستان، تاجیکستان و بلاروس مملکتلرینینگ رهبرلری و یوقاری مرتبهلی رسمیلری اشتراک اېتیشی معلوم قیلینگن.
شو بیلن بیرگه، بو ییغینده باشقه بیر قنچه خلقارا تشکیلاتلردن هم وکیللر اینیقسه بیرلشگن ملتلر تشکیلاتی باش کاتبی آنتونیو گوتریش هم اشتراک اېتیشی ممکنلیگی معلوم قیلینگن.
افغانستان شانگهای همکارلیکلر تشکیلاتینینگ کۉزهتووچی اعضالریدن بیراق طالبان حاکمیتگه قیتگنیدن بیری بو تشکیلات ییغینلریده افغانستان حضور تاپمهگن.
شانگهای همکارلیکلر تشکیلاتی ییغینی شوندی بیرحالده اۉتکزیلماقده دیر که بو تشکیلاتگه اعضا مملکتلر تورلی معمالر و اوروشلر بیلن دوچ دیر. تشکیلاتنینگ ییریک اعضالریدن بۉلگن روسیهنینگ اوکراینده اوروشی دوام اېتماقده و بو تامانده یقین شرق اینیقسه ایران دوچ بۉلگن برقرارسیزلیکلر دوام اېتماقده دیر.
