»افغانستان بیرلشگن جبههسی» اۉز کوچلری کابلده طالبلرنینگ امر به معروف و نهي از منکر ادارهسی اعضاسینی اۉلدیرگنینی دعوا قیلماقده.
مذکور جبهه بوگون (چهارشنبه،۱۱ سنبله) ایکسدهگی بیاناتیده ایتیشیچه، طالبلرنینگ امر به معروف و نهي از منکر ادارهسی اعضاسی «قاری آغاگل» بۉلگن و کابل شهرینینگ ۱۸-خوفسیزلیک ناحیهسیده اۉلدیریلگن.
شونینگدېک، مذکور جبهه سرپل ولایتینینگ کوهستانات تومنیگه آلیب بارووچی یۉلده هم طالبلرنینگ بیر اعضاسینی یۉق قیلگنینی دعوا قیلماقده.
«افغانستان بیرلشگن جبههسی» علیحده بیاناتیده یازیشیچه، طالبلرنینگ بو اعضاسی سرپل ولایتی نینگ 4-قطعهسیده فعالیت یوریتگن و تیناوون (سهشنبه،۱۰ سنبله) ساعت۶:۰۰لر اطرافیده اۉلدیریلگن.
مذکور جبهه تیناوون حربي فعالیتینینگ دستلبکی بیر آییده۱۴ولایتده۴۳ ته عملیات اۉتکزگنینی معلوم قیلگن. جبهه دعواسیگه کۉره، بو عملیاتلر نتیجهسیده طالبلرنینگ۷۴ اعضاسی اۉلدیریلگن، ینه 35 نفری یرهلنگن.
بیراق حاضرچه طالبلر اوشبو جبهه دعوا قیلگن هجوملرنینگ بیرارتهسینی هم تصدیقلهمهگن.
