بیرلشگن ملتلر تشکیلاتینینگ انسانپرورلیک یاردملرینی موافقلشتیریش اداره (اوچا) کانادانینگ افغانستان انسانپرورلیک جمغرمهسیگه ۱.۳میلیون کانادا دالری مقداریده مبلغ اجرهتگنینی معلوم قیلدی.
اوشبو تشکیلات بوگون (پنجشنبه، ۱۹سنبله) ایکس اجتماعي ترماغیده نشر قیلگن پُستیده کانادا حکومتیگه بو یاردمی اوچون منّتدارلیک بیلدیرگن.
اوچانینگ تأکیدلشیچه، کانادا حکومتینینگ انسانپرورلیک یاردم همکارلرینی دایمي قۉللب-قوّتلشی اولرگه افغانستان بۉیلب اېنگ احتیاجمند و ضعیف قتلم وکیللریگه یېتیب باریش امکانینی بېرماقده.
اوچا معلوماتلریگه کۉره، جاري ییلده افغانستانده ۲۱.۹میلیون کیشی انسانپرورلیک یاردمگه محتاج. بیراق گومانیتار تشکیلاتلر ۱۷.۵میلیون کیشیگه یاردم کۉرسهتیشنی اوستوار وظیفه صفتیده بېلگیلهگن.
اوچا اوشبو اهالیگه یاردم کۉرسهتیش اوچون ۱.۷ میلیارد دالر مبلغ سۉرهگن. اما ییل باشلنگنیدن بویان تۉقّیز آیدن کۉپراق وقت اۉتگنیگه قرهمهی، مذکور مبلغ نینگ اتیگی ۳۰.۲۱ فایزی تأمینلنگن.
