دریا آژانسی نینگ خبریگه کۉره، 21-22 اکتوبر کونلر سمرقند شهریده بالهلر فراوانلیگی و کېلهجگیگه بغشلنگن بوتون جهان ییغیلیشی بۉلیب اۉتهدی.
اونده 100دن آرتیق اولکهدن سیاسی یېتکچیلر، وزیرلر، خلقارا تشکیلاتلر، متخصصلر، بیزنیس و یورتداشلیک جمعیتی وکیللری ،شونینگدېک ،بالهلر و اۉسمیرلر قتنشیشی کوتیلماقده.
ییغیلیش دایرهسیده رسمی آچیلیش مراسمی و تخصصی ییغیلیش اۉتکزیلهدی. شونینگدېک ،اۉزبېکستاندهگی اجتماعی یۉنهلیش حوزهلریگه تشریف بویرهدی.
تدبیرده بالهلر و عایلهلرنی اجتماعی حمایه قیلیش، بالهلرنی حمایه قیلیش و کېرهکلی خدمتلر بیلن تامینلش، بالهلر ساغلیگی، بالهلر انکولوژیسی(سرطان شناسلیک)، اېرته بالهلیک رواجی اینیقسه برچهنی قمرب آلهدیگان تعلیم مسلهلری محاکمه قیلینیشی ایتیلگن.
ییغیلیش دایرهسیده ایکّی خلقارا بالهلر انکولوژیسی کانگریسی هم اۉتکزیلهدی. اونده تورلی اولکهلر نینگ تجربهسی و ایلغار یانداشوولرینی بیرلشتیریش، بالهلر اوچون ثمرهلی تیزیم و عملی یېچیملرنی شکللنتیریش مسلهلریگه اعتبار قرهتیلهدی.
