پاکستان اخبارات و نشرات وزیری عطاءالله تارر، بوگون (۲-میزان، پنجشنبه)، اکس صحیفهسیده بیر بیانیه ترقهتیب ایتیشیچه، بو مملکت اردوسی «غضب للحق» اسمی آستیدهگی بیر عملیات ده افغانستاننینگ نیچه ولایتیگه هجوم اۉیوشتیرگن.
تاررنینگ کوپهیتیریشیچه، افغانستان توپراغیگه ۱۰ ته پهپاد و هوا هجومی عملگه آشیریلگن.
پاکستان اخبارات و نشرات وزیری، بو هجوملرنینگ اۉتگن کونی افغانستان توپراغیدن اۉیوشتیریلگن هجوملرگه قرشی جواب اولهراق عملگه آشیریلگنینی بیان قېلگن.
عطاءالله تارر گه کۉره، پاکستان افغانستان توپراغیدن اۉیوشتیرلهدیگن هجوملرنی چېدهمهی و هر قندهی اقدام گه، قاطعیت بیلن جواب قېترهدی.
ایتیش کېرهک که، پاکستان افغانستاننینگ نیچه حدودیگه هجوم اۉیوشتیرگنینی معلوم قېلگنیدن سۉنگ، طالبان بو مملکت اردوسی آرقهلی بوگون اېرتهلب قندهار و خوست ولایتلریدهگی منطقهلرگه هجوم اۉیوشتیریلگنینی تصدیقلهگن.
