بېش ییلدن بیری، افغانستانده قوراللی قرشیلیک یۉق دېب دعوالرنی ترقهتیب کېلهیاتگن طالبان گروهی، اۉتگن کون نورستان ولایتی کامدیش اولسواللیگیده کېنگ تۉقنهشوولر یوز بېرگنینی اعلام قیلدی.
طالباننینگ مدافعه وزیرلیگی بیانات ترقهتیب، اۉتگن کون نورستان ولایتی کامدیش اولسواللیگیده یوز بېرگن دواملی اوروش و تۉقنهشوو حقیده اۉز مناسبتینی بیلدیردی.
طالبان اوشبو وزیرلیگی بیر کون کېچیکیشدن سونگ بیر اعلامیه ترقهتیب، آزادلیک جبههسیگه تېگیشلی ۲۸ کیشی جان بېرگنی و ۳۲ کیشی حبسگه آلینگینی دعوا قیلدی.
طالبان دعواسیگه کۉره، بو تۉقنهشوولرده افغانستان سابق حکومتی حربیلری اشتراک اېتگن.
شونینگدېک، طالبان بو هجوملر آرتیده پاکستان حکومتی بارلیگینی هم دعوا قیلگن.
بو شوندی بیرحالده دیر که آزادلیک جبههسی بوندن آلدین، طالباننینگ اسیرگه آلینگنلر حقیدهگی معلوماتلرینی چلغیتووچی و ناتۉغری دېب اعلام قیلیب، بو گروه عاموی افکارنی چلغیتیش مقصدیده تینچ اهالینی حبسگه آلگنینی بیلدیرگن اېدی.
ایتیش کېرهک که اۉتگن کون، نورستان ولایتی کامدیش اولسواللیگیده اوروش بیر نیچه ساعت دوام اېتدی.
اوشبو اوروش دوامیده، آزادلیک جبههسی بیر قنچه پوستهلر نظارتینی قۉلگه آلگنی و طالباننینگ درونلرینی اوریب توشیرگنینی معلوم قیلگن.
طالبان شوندی بیرحالده بو دعوالرنی ترقهتماقده دیر که بوندن آلدین اوشبو گروه افغانستانده هیچ قندی مقاومت و بو گروهگه قرشی قوراللی گروهلر یۉقلیگینی هم دعوا قیلیب کېلماقده اېدی.
