بیرلشگن ملتلر تشکیلاتینینگ انسانپرورلیک یاردملرنی هماهنگلشتیریش ادارهسی (اوچا)گه کۉره، افغانستان تورت تومنیده کمبغل کیشیلرگه یاردم کۉرسهتووچی نهادلر فعالیتی جدی چېکلاولر بیلن یوز مه یوز دیر.
مذکور ادارهنینگ ایتیشیچه، اداری و دستوری ارهلشوولر، عیال خادملر همده یاردم آلووچی عیاللرگه تاثیر کۉرسهتووچی چیکلاولر، کېلیشوونامهلر و لایحهلر تصدیقلنیشی کیچیکتیریلیشی، چیگره همده باریب-کیلیش بۉییچه چېکلاولر و بودجه کمهیشی اوشبو چېکلاولر عامللریدن دیر.
ایتیلیشچه، اوچانینگ انسانپرورلیک یاردمگه قۉل تاپیش امکانیتی بۉییچه اۉتکزیلگن توقّیزینچی درجهدهگی نقشهلش نتیجهلری اساسیده، فاریابده میمنه، ننگرهارده مهمنددره و نورستان ده برگمتال و کامدیش، جدی چیکلاو درجهسیده قرار تاپگن.
انسانپرورلیک یاردملردن فایدهلنیش توغریسیده چېکلاولر یرهتیلیشی کمبغل کیشیلرگه یاردم یېتکزیلیشی قیینچیلیکلر بیلن روپهره بۉلیشیگه سبب بۉله آلهدی.
