هندوستان و نیپالنینگ بیر قنچه حدودلریده، کوچلی یاغینگرچیلیک و بوران، سوو تاشقینی بیلن ییر سیلجیشیگه سبب بۉلگن. اوشبو واقعه عاقبتیده، حاضرگچه کمیده ۱۹ کیشی اۉلیب و ۱۰ ته ایشلاوچی بیدرک یۉقالگن همده دریالر سووی سطحی خوف چیزیغیدن آشگن.
هندوستاننینگ اوتار پرادش ایالتیده محلی رسمیلرنینگ اعلام قیلیشیچه، اۉتگن ۴۸ ساعت ایچیده ۱۵ کیشی اۉلیب و بیش کیشی یرهلنگن و شونینگدېک ۱۱۷ یشش اوی زیان کۉرگن.
نیپال رسمیلریگه کۉره، بو مملکت باگلونگ شهری «نیشی خولا» قیشلاغیده اوچ باله و بیر عیال شامل تورت کیشی، ییر سیلجیشی عاقبتیده اۉلیب و باشقه ۱۰ ایشلاوچی یوقالگن.
نیپال رسمیلری بو مملکتنینگ ۴۹ اولسواللیگیده توستدن سوو تاشقینی یۉز بیریش احتمالی تۉغریسیده هم آگاهلنتیرگن.
ایتیلیشچه، یۉز بیرگن سوو تاشقینی و ییر سیلجیشی برق منبعلری بیلن مخابراتی خذمتلرگه هم قیینچیلیک یرهتگن.
