اۉزبېکستان یېتکیرمه‌لری بو مملکت رسمیلری معلوماتیگه اساسلنیب نشر قیلگن خبرلریگه کۉره، ینه بیربار افغانستاندن اۉزبېکستانگه مخدره ماده قاچاق اېتیش حالتی انیق‌لنگن.
ایتیلیشیچه، قاچاقچیلر بو مرته بیر یوک موتری‌نینگ آست قسمی‌ده ۵۲ کیلوگرام و ۵۹۵ گرام مخدره ماده‌نی جایلشتیریب، اۉزبېکستانگه آلیب اوته‌یاتگن اېکن که انیق‌لنگن.
بوحقده نشر اېتیلگن معلوماتده، اوشبو مخدره ماده‌لر ۹۸ اۉره‌مده جایلشتیریلگن اېکن که بو جمله‌دن ۴۲ کیلو گرام و ۳۳۵ گرامی حشیش و ۱۰ کیلو گرام و ۲۶۰ گرمی اېسه تریاک بۉلگن.
ایتیلیشیچه، اوشبو مخدره ماده‌لر، اۉزبېکستان چېگره کوچلری ایتی‌نینگ بېلگی بېریشیدن سونگ تاپیلگن.
ایتیش کېره‌ک که بوندن آلدین هم طالبان حاکمیتیده‌گی افغانستاندن اۉزبېکستانگه مخدره ماده‌لر قاچاق اېتیلیش حالتلری قید اېتیلگن اېدی.
