تورک دولتلری تشکیلاتی دایره‌سیده عایله و عیاللر کینگشی‌نینگ فخری کینگشی بیرینچی ییغیلیشی، تورکیه جمهور باشلیغی تورموش اورتاغی امینه اردوغان میزبانلیگی بیلن انقره‌ده بۉلیب اوتدی.
اۉزبېکستان جمهور باشلیغی تورموش اورتاغی زیراعت میرضیایف، قرغیزستان جمهور باشلیغی تورموش اورتاغی آیگول چاپارووا و شمالی قبرس تورک جمهوریتی جمهور باشلیغی تورموش اورتاغی نیلدن‌بکتاش ارهرمان، مذکور کینگش آچیلگنی‌دن حمایت قیلگنلر.
زیراعت میرضیایف، بو ییغیلیش‌ده عیاللر‌نینگ تعلیم آلیشی، کسب-کار اۉرگه‌نیشی و تدبیرکارلیک بیلن شغللنیشی‌نی قۉللب-قوتلش اوچون قۉشمه دستورلر یره‌تیلیش‌نی تکلیف قیلگن. شونینگدېک او چیککه حدودلرده‌گی یشاوچی عیاللر‌نینگ رقملی بیلیملری‌نی آشیریش، مدنی میراث‌نی اسره‌ش همده عایله و باله‌لرنی قۉللب-قوتلش بۉییچه تجربه المشتیریش مهم‌لیگی‌نی تاکیله‌دی.
شونینگدېک آیگول چاپارووا اېسه عایله‌نی قۉللب-قوتلش، باله‌لر کیله‌جگی‌گه کیریتیلگن سرمایه اېکنی‌نی بیان قیلگن. او عیاللر اوچون تعلیم آلیش و کسب اۉرگه‌نیش امکانیتلرینی یره‌تیش ضرورلیگی‌نی تاکیدلب، زوره‌وانلیککه روپه‌ره بۉلگن عیاللر و قیزلرگه حقوقی، روحی و اجتماعی یاردم کۉرسه‌تیش کېره‌کلیگی‌نی بېلدیرگن.
نیلدن‌بکتاش ارهرمان هم، عایله و عیاللر کینگشی عایله‌لر اۉرته‌سیده تجربه المشیش و عمومی معمالرنی حل قیلیش اوچون مهم میدان بۉلیشی ممکن‌لیگی‌نی ایتدی. او عیاللرنی قۉللب-قوتلش، باله‌لر خوفسیزلیگی‌نی تامین‌لش و عایله‌لرگه یاردم بیریش مهم‌لیگی گه اورغو بېرگن.
