ساغلیقنی سقلش تشکیلاتی، افغانستان بۉیلب سل کسل‌لیگی بیلن قرشی کوره‌شده ایجابی نتیجه‌لرگه اېریشیلگنی‌نی معلوم قیلیب و ایتیشیچه، بو کسل‌لیکنی دوالش تاثیرچینلیگی ۹۵.۶ فایزگه یېتیشگن.
مذکور تشکیلات‌نینگ بوگون اۉز اکس صحیفه‌سیده یازیشیچه، افغانستان ده سل کسل‌لیگی‌نینگ یکونلنیشی اوچون خلق‌ارا نهادلر همکارلیگی بیلن سعی‌وحرکتلر دوام قیلماقده.
خلق‌ارا ساغلیقنی سقلش تشکیلاتی‌گه کۉره، ایدز، سل و ملاریا بیلن قرشی کوره‌ش خلق‌ارا صندیغی و بیرلشگن ملتر تشکیلاتی حمایتی بیلن، جاری ییل‌نینگ سۉنگی اوچ آییده (جولای دن سپتمبرگچه)، افغانستان بۉیلب ۱۸۵ مینگ ۶۲۹ کیشی سل کسل‌لیگی‌گه چلینیش بۉییچه تیکشیریلیشدن اۉتکزیلگن.
بو تشکیلات‌نینگ کوپه‌یتیریشیچه، مذکور مدت‌ده ۱۳ مینگ ۹۱۸ کسل دوالنیشلرینی باشله‌ب و دوالنیش دوره‌سی‌نینگ تاثیرچینلیگی ۹۵.۶ فایزگه یېتیشگن.
کوپراق یوته‌لیش، ایسیتمه، کیچه تامان تیر باسیش، وزن کمه‌یشی، اشتها‌سیزلیک، چرچه‌ش و بعضا اېسه قان بیلن یوته‌لیش، مذکور کسل‌لیک بیلگیلریدن حسابلنه‌دی.
ایتیش کېره‌ک که، کوپراق ششلرنی تاثیر آستیگه قویه‌دیگن سل کسل‌لیگی یوتل، عطسه یا-ده کسل کیشی بیلن گپله‌شیش نتیجه‌سیده هوا یۉلیدن ساغ کیشی‌گه اوتیشی ممکن.
