اۉزبېکستان و آذربایجان باکو شهریده قونسللیک مصلحتلشوولرنینگ تۉرتینچی روندینی اۉتکز‌دی. مذکور مصلحتلشوولرده ایکّی اۉلکه یورتداشلری‌نینگ حقوق و قانونی منفعتلرینی حمایه قیلیش مسئله‌لری محاکمه قیلیندی.
اۉز دیلی خبریگه کۉره، اوچرشووده ایکّی تمانلمه مهاجرلیک، عدلیه، آماری بیلگیلر المشووی و قونسللیک خدمتلری یۉنه‌لیشیده‌گی همکارلیکنی کېنگه‌یتیریشگه علاحیده اعتبار قره‌تیلدی.
تمانلر تېگیشلی دولت اداره‌لری اۉرته‌سیده‌گی تۉغریدن-تۉغری علاقه‌لرنی مستحکملش همده شرطنامه‌وی-حقوقی نېگیزی‌نینگ تکاملشتیریش مهملیگینی تاکیدله‌دی.
شونینگدېک ایکّی اۉلکه اۉرته‌سیده‌گی استراتیژیک اۉرتاقلیک و اتفاقلیک مناسبتلرینی ینه‌ده یوکسلتیریش، تشقی سیاست اداره‌لری اۉرته‌سیده‌گی عملی همکارلیکنی کېنگه‌یتیریش مسئله‌لری کۉریب چیقیلدی.
تشریف دایره‌سیده اۉزبېکستان هیئتی آذربایجانده یشه‌یاتگن یورتداشلر بیلن اوچرشیب، یورتداشلیک، مهاجرلیک، ایشگه یېرلشیش و اۉقیش مسئله‌لری یوزه‌سیدن ایضاحلر بېردی.
