فاریاب ولایتیده طالبان خوفسیزلیک قومندانلیگی‌نینگ اعلام قیلیشیچه، بو ولایت‌نینگ تورلی حدودلریدن سکّیز کیشی حبسگه آلینگن.
طالبان فاریاب ولایتی قیصار اولسواللیگیده، اوچ کیشی‌نی ایکی باش قۉی‌نی اۉغیرله‌گندلیکده عیبلب حبسگه آلگن شونینگدېک، ینه بیر کیشی هم بو اولسواللیکده بیر موترسایکلنی اۉغیرله‌گنلیکده عیبلنیب حبسگه آلینگن.
شو بیلن بیرگه، طالبان فاریاب ولایتی کتّه قلعه/فردوس اولسواللیگیده هم بیر شخص‌نی برق لینلرینی اۉغیرلشده عیبلب اوشله‌گن.
طالبان‌نینگ خوفسیزلیک کوچلری، فاریاب ولایتی شیرین‌تگاب اولسواللیگیده، ایکّی کیشی‌نی بیر باش هوجکنی اۉغیرلش و قورال آلیب یوریش‌ده عیبلب توتقینگه آلگن.
بوندن تشقری، فاریاب ولایتی خواجه موسی اولسواللیگیده هم بیر کیشی قورال سقلش‌ده عیبلنیب، طالبان تامانیدن حبسگه آلینگن.
تاکیدلش لازم که اخیرگی کونلرده، فاریاب ولایتیده بو کبی حبسگه آلینیشلر حالتلری کۉپه‌یگن.
